Gəlirlərin artımı zərurəti Ekvadoru OPEK-dən çıxmağa məcbur etdi

Ekvador Neft İxrac edən Ölkələr Birliyini (OPEK) tərk etmək qərarına gəlib.

Simurq.info bildirir ki, Ekvadorun Energetika Nazirliyinin “Twitter” səhifəsində bildirilir ki, 2020-ci il yanvarın 1-dən ölkə OPEK-ı tərk edəcək.

Məlumata əsasən, qərar maliyyə sabitliyinə nail olmaq zərurəti ilə əlaqədardır. Bu tədbir hökumətin büdcə xərclərinin ixtisarı və gəlirlərin artımı üzrə planına salınıb.

Buna baxmayaraq Ekvador dünya neft bazarının stabilləşdirilməsinə dair yönələn səyləri dəstəkləməkdə davam edəcək.

Cari ilin avqust ayında Ekvador gündə 537 min barel neft hasil edib.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir